បែបបទអោយពរ មង្គលបវរប្រាកដ ឥសីកំណត់នាមឈ្មោះ
កស្សបព្រះមុនី អ្នកស្ថិតនៅនាទី ជើងភ្នំបព្វតាគីរី
សង់អាស្រមទី ជារោងពិធី អោយពរឈ្មោះស្រីពិជ័យ
សារ៉ែនវត្តីដ៏បរវ មួយកើតជាគោ មួយនោះកើតមកជាខ្លា
ឥសីកស្សប លោកអោយពរដប់ ពោធីតាំងដើមព្រះមុនី
ឯកពរាបាលីប្រែថាពរមួយ អោយមានកម្លាំងស្មារតី ក្លាខ្លាំងកុំព្រួយ
ចែងចប់ពរមួយ តាមដោយបន្ទួលព្រះមុនី ។
ទ្វិពពរាបាលីប្រែថាពរពីរ តាំងដើមព្រះមុនី ចំរើនវុឌ្ឍីសុខសាន្ត
ធនធានរបស់កុំអោយស្គាល់អស់ ស្រេកឃ្លានទុក្ខទោសប៉ុន្មាន
កុំអោយបៀតបានឡើយនៃ ។
តតិពរាបាលីប្រែថាពរបី សូមសុខសួស្តី ប្រកបនូវបុណ្យខ្ជាប់ខ្ជួន ។
ចតុពរាបាលីប្រែថាពរបួន មូលមិត្តខ្លឹមខ្លួន យសស័ក្តិសមសួនមួនមាំ ។
បញ្ចពរាបាលីប្រែថាពរប្រាំពីរ សារពើដំណាំ ដុះមិនបាច់ដាំអោយព្រួយ ។
ឆសពរាបាលីប្រែថាពរប្រាំមួយ កុំអោយស្គាល់ព្រួយ ប្រកបនូវបុណ្យ
សាសន៍សីល ។
សត្តពរាបាលីប្រែថាពរប្រាំពីរ ប្រកបនូវសីលសោភី ផ្ចាញ់អស់និគ្រន្ថ
អន្ថេរតី្ថយ៏ ។
អដ្ឋពរាបាលីប្រែថាពរប្រាំបី គោសេះដំរី ក្របីធាត់ធំមាមួន ។
នវពរាបាលីប្រែថាពរប្រាំបួន មូលមិត្តខ្លឹមខ្លួន នូវបុត្រភរិយាទាំងគ្រប់ ។
ទសពរាបាលីប្រែថាពរដប់ ទ្រព្យរបស់កុំអោយស្គាល់អស់
ទុក្ខទោសប៉ុន្មាន កុំបីបៀតបានទើយនៃ ។
ទោសបួនប្រការ ដែលអ្នកប្រាជ្ញហៅថាភ័យ ទាំងបួននោះឈ្មោះហៅថាភ័យ
ភ័យភ្លើង ភ័យខ្យល់ ភ័យស្តេច នឹងចោរ កុំអោយមានដល់មកយើង
មានតែទីថ្កើងរុងរឿង ទីទុក្ខកុំបីបៀតបាន ។
ឥច្ឆិតំ ប្រែថាសេចក្ដីប្រាថ្នា រាល់ប្រាណ
ខិប្បំ សូមអោយបានសំរេច និព្វានទៀងប្រាកដហោង ៕
⦁ រោងពុម្ពវត្តឯកសទ្ធា
No comments:
Post a Comment