នរណា ខ្លះ ស្គាល់ របាំ ទេព មនោរម្យ?

របាំ ទេព មនោរម្យ ជា ប្រភេទរបាំ ព្រះរាជទ្រព្យ ឬ របាំ ក្បាច់ បុរាណ ខ្មែរ ដែល កាល ពី ដើម គេ សម្ដែង របាំ នេះ សម្រាប់ ព្រះ រាជ្យ វង្សានុ វង្ស ទត ដោយ គេ និមិត្ត ឡើង អំពី ទេវតា និង ទេពធីតា ដែល មាន រូប ឆោម លោម ពណ៌ ស្រស់ សង្ហា និង ស្រស់ សោភា មាន ពាក់ មកុដ ដូច ទេព ធីតា ចុះ មក ពី ឋាន សួគ៌ា មក ពត់ ពេន ខ្លួន រេរាំ នៅ ក្នុង សួន គួរ ជា ទី ចាប់ អារម្មណ៍ និង បង្ក បរិយាកាស រីករាយ បំផុត។

របាំ ទេព មនោរម្យ មាន ទម្រង់ ខ្នាត ធំ ចំនួន ១៨នាក់ ១៦នាក់ ១២នាក់ ឬ១០ នាក់។ ដោយ ឡែក ថ្ងៃ នេះ យើងខ្ញុំ សូម បង្ហាញ ជូន ប្រិយមិត្ត បាន ស្គាល់ ពី ក្បាច់ រាំ របស់ របាំ ទេព មនោរម្យ ជា ទម្រង់ ខ្នាត តូច ដែល មាន ទេវតា ម្នាក់ និង ទេពធីតា ម្នាក់ មក រាំ ជូន ប្រិយមិត្ត បាន ស្គាល់ ។

សូមមើល ការ សម្ដែង របាំ ទេព មនោរម្យ ដោយ កញ្ញា ច័ន្ទ ស្រី លក្ខណ៍ និង កញ្ញា សួស រត្ថា ដែល ជា និស្សិត នៃ សាកល វិទ្យាល័យ ភូមិន្ទ វិចិត្រ សិល្បៈ ដូចខាង ក្រោម៖