បទសូធ្យលើកទង់ព្រះពុទ្ធសាសនា
១- សូមមើលទង់ជ័យឆព្វណ្ណរង្សី ដែលមានរស្មីភ្លឺស្រស់ល្អ
ខៀវលឿងក្រហមព្រមទាងពណ៌ស ហង្សបាទនិងពណ៌ដ៍ភ្លឺផ្លេក ។
ខៀវលឿងក្រហមព្រមទាងពណ៌ស ហង្សបាទនិងពណ៌ដ៍ភ្លឺផ្លេក ។
២- ប្រទេសតូចធំបានស្មគ្រស្មាគម ជំនុំគ្នាច្រើនអនេក
ព្រមយករស្មីព្រះពុទ្ធគួរត្រេក ប្រសើរពន់ពេក ក្រៃកន្លង ។
ព្រមយករស្មីព្រះពុទ្ធគួរត្រេក ប្រសើរពន់ពេក ក្រៃកន្លង ។
៣- ធ្វើជាសញ្ញាទង់ជ័យសាសនា នៃសម្ពុទ្ធធំចម្បង
ចូរយើងរាល់គ្នាយកចិត្តចាំចង នឹកដល់ព្រះអង្គជាអម្ចាស់ ។
ចូរយើងរាល់គ្នាយកចិត្តចាំចង នឹកដល់ព្រះអង្គជាអម្ចាស់ ។
៤- ទោះជាតិផ្សេងគ្នាក៍ត្រូវដឹងថា សុទ្ធសឹងតែជាពុទ្ធសាសន៍
ត្រូវមានសាមគ្គីទា៓ងក្មេងទា៓ងចាស់ ប្រឹងប្រែងឱ្យណាស់គ្រប់ៗគ្នា ។
ត្រូវមានសាមគ្គីទា៓ងក្មេងទា៓ងចាស់ ប្រឹងប្រែងឱ្យណាស់គ្រប់ៗគ្នា ។
៥- សូមសាសនាពុទ្ធថ្កុំថ្កើងខ្ពស់ផុត រុងរឿងវិសុទ្ធដ៍ថ្លៃថ្លា
ហើយមានជ័យជោគផ្សាយពេញលោកា ដោយជនជ្រះថ្លាច្រើនសែនលាន ។
ហើយមានជ័យជោគផ្សាយពេញលោកា ដោយជនជ្រះថ្លាច្រើនសែនលាន ។
៦- មានចិត្តស្នេហាគោរពបូជា ចំពោះព្រះធម៌ដ៍កល្យាណ
ទា៓ងមនុស្សទេព្ដាស្នេហាគ្រប់ប្រាណ ប្រាថ្នាចង់បាន សេចក្ដីសុខ ។
ទា៓ងមនុស្សទេព្ដាស្នេហាគ្រប់ប្រាណ ប្រាថ្នាចង់បាន សេចក្ដីសុខ ។
៧- យើងខេមរជាតិនា៓គ្នាខ្មីឃ្មាត កាន់ធម៌នឹងបានចាកផុតទុក្ខ
រួបរួមសាមគ្គីពីនេះទៅមុខ យើងនឹងបានសុខក្សេមក្សាន្តត្រាណ ។
រួបរួមសាមគ្គីពីនេះទៅមុខ យើងនឹងបានសុខក្សេមក្សាន្តត្រាណ ។
៨- ព្រមព្រៀងប្រព្រឹត្តកាន់ធម៌សុចរិត ឆ្ពោះទៅកាន់ឋាននិព្វាន
ជាទីផុតទុក្ខបានសុខក្សេមក្សាន្ត ជាតិយើងនឹងបានសោយសុខា ៕៚
ជាទីផុតទុក្ខបានសុខក្សេមក្សាន្ត ជាតិយើងនឹងបានសោយសុខា ៕៚
No comments:
Post a Comment